Guwahati, August 2: Namdapha National Park-o bilsi 61 ja•man me•pillip-ko niktaipilaniara, India a•songni Salgro Salaram jolo donggipa dingtang dingtang sambol aro matburingrangko ripinge rakkianio nangchongmotgipa ong•aniko mesoka.
2018 aro 2019 bilsirango, ia me•pillip-ni dingtang dingtang rokomrangni bidingo, Roshan Upadhaya, Monsoon Jyoti Gogoi, Renu Gogoi aro Rezina Ahmed iamang, Nampadha National Park-ni Miao range-o name dake nianiko dakangaha. Indake, ia me•pillip-ko Miao-Vijaynagar Road-o nikenba jachipchang ra•aniko dakangaha.
Advertisement
“Ia me•pillip-ni rokomko Evans-ni segimin ki•taponiko u•ina gita man•aha. Ki•tap senokgipa, ia me•pillipko skango nikaoni chong•motan bilsi 61-ni gisepo darangba ia me•pillip-ko nika ine kobor on•a dongkuja ine u•ina gita man•aha. Indake ong•genchimoba, ia me•pillipni jelbra jelsuani gimin bang•gijasan u•ina gita man•kuaienga,” ine poraie nianio u•ina gita man•aha. Ia me•pillip-ara, India a•songo man•gipa Satyrinae me•pillip ma•maloni Ypthima cantliei minggipa ong•achim.
Advertisement
“India-o me•pillip-rangni gimin segipa ki•tapo, Arunachal Pradesh-o Ypthima Cantliei me•pillip-ko nikani gimin maming janapani dongja. Iani gisepon, 1957 bilsio, Upper Assam-ni Margherita-osan ia rokom-ni gimin koborrangko man•soahachim, indiba una agre gipin u•iatani dongjani gimin, Arunachal Pradesh-o ian gital me•pillip rokomsako man•dapani aro India-o niktaipilani ong•enga,” ine am•sandie nigiparang u•iataha.
Salgro Salaram jolo donggipa Arunachal Pradesh a•dokni Changlang a•jao donggipa ia Nampadha National Park-ara dal•begipa ripinge donenggipa biap ong•a. India aro Myanmar-ni sima ari jolo donggipa ia National park-ko uno donggipa dingtang dingtang sambolrang aro rokomanti matburingrangni gimin u•itokachim.
Advertisement
Nymphalidae-o donggipa pilak rokomrangoni ming 6,000-de me•pillip-ni rokomrang ong•a. India a•songo segatgimin ming 35 rokomni me•pilliprangoni ming 23-de India-ni Salgro Salaram jolonin ong•achim. Ia Ypthima-ni dingtang dingtang rokomrangko China a•songni Yunnan aro Sichuan minggipa biaprango bang•bate nikna gita man•an baksana, India a•songni sepangjolo donggipa a•songrang jekai Nepal, Bhutan aro Burma (Myanmar)-oba nikna gita man•a.
Na·simang ia video-koba nina man·gen:
Na·simang iakoba poraina man·gen: Migrant Workers Act-ko pe•ode gong lak 1-ko dai gamna nanggnok
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
For news & updates, Download Hub News App from Google playstore
Images are for reference only.Images and contents gathered automatic from google or 3rd party sources.All rights on the images and contents are with their legal original owners.
Comments are closed, but trackbacks and pingbacks are open.