Shillong, August 3: Skanggipa changna Durand Cup kal•susaaniko Shillong-o soka chakaniara, kal•susaani itihas-o gisik ra•na krabegipa ong•aha, iani gisepon Meghalaya a•dok kal•susaanirangko ra•dona gita namen chanchisamsoanirangko dakenga. Meghalaya a•dokni Skotong Minister Conrad K Sangma, sukrobar salo a•dokni gita Mission Football 2.0-ko a•bachengatgen ine parakataha. Ian gital aro namdapatgimin scheme-rangchi a•doko robol kal•susaaniko ra•dona aro robol kal•ani bewalrangko a•doko tang•dobatatna miksongani ong•a.
Ian Mission Football-ni chusokanio pangchake ong•atna sienggipa ong•a, jean a•doko robol kal•anio namen dingtanganiko ra•baaha.
Advertisement
Ia scheme-ko bariatani bak gita, Skotong Minister “Local Football Club Support Scheme”-ni giminba jinmana parakataha, jeon I-League 2-o bak ra•gipa aro una batgiparango bak ra•giparang tangka gong crore 3-ona dorgastoko galna gita man•gen aro a•dokni Grassroots/ Intermediate Club-rang tangka gong lakh 15-ona dorgastoko galna gita man•skagen.
Ia Mission Football 2.0 baksa, sorkari robol kalchakram biaprangko namdapatna miksongenga. A•dok sorkari, North East United Football Club (NEUFC) baksa nangrimenba, New Shillong Township-ni Mawkhanu-o residential academy ba dongkame skie ra•ani biapko rikna miksonganikoba janapangaha.
Kobor ra•timgiparang baksa agangrikengon, a•dokni Skotong Minister, Shillong songjinmao songdongenggipa pilak manderangkon re•baenba, Durand Cup-na kal•susaaniko niechina mol•molataha.
Advertisement
Robol kal•aniko namdapatnagipa a•dokni Marguee Scheme Mission Football, a•dok gimiko dam 111 Grassroots Centre-rangko rikgen ine ka•donganiko on•angaha, jeon bilsiantin sak 8,000 bi•sarang skie ra•aniko dakbaenga.
Uasan ong•aigija, bilsiantin sak 25,000 bi•sarang U-12 Football Tournament aro Subroto Cup State Qualifiers-o bak ra•ronga. Football Association (MFA), Meghalaya State League aro Meghalaya Youth League-ko ong•atna gita dakchakaha.
Meghalaya Tourism-ni gita North-East United FC aro Shillong Lajong FC dolrang battanggimin bilsignio bang•a kal•susaanirango bak ra•angaha.
2023 bilsini Santosh Trophy-ko ong•atanio Meghalaya State Team, India-ni bang•a bilakgipa dolrangko amatenba 2-gipa biapko man•rikaha. U-17 Football Team, Khelo India Games-o robol kal•anio bang•a medal-rangko man•an baksana, 2024 bilsio Tamil Nadu-o Gold medal-ko man•aha.
2018 bilsio State Sports Policy-ko a•bachengata intalonin, Sports Department aro Youth Affairs-rang namen tang•dobataha. Iano, a•dok gimiko kal•chakram biaprangko rikani, kal•na sapgiparangko sandiani aro kal•na sikgiparangko name skie on•ani scheme-rang jekai STAR Program baksana a•dokni, a•songni aro a•song gimikni kal•susaanirangko soka chakaniko man•chapa.
Namen mingsingbegipa chang 133-gipa Durand Cup-ni Group F category-ni skanggipa kal•susaaniko sukrobar salo, Shillong-ni Jawaharlal Nehru (J.N) Stadium-o ong•atangaha. 2016 bilsio ong•atana agre, ia indakgipa dal•gipa kal•susaaniko da•osa J.N Stadium-o ong•ataiaha.
Durand Cup-ko name ong•atna man•a gita, stadium-ko taridapna dongimin somoina skangan taridapanirang jekai North aro South Stand, AFC-ni ning•o International Event-ni on•gimin niamrangko ja•rike a•songchakanirangko tariani aro VIP-ni West Stand area-ko taritaianirangko dakataha.
Shillong-ni climate-ko nigrike natural turf-ko kal•chakram biap gimiko on•angaha.
Advertisement
International matches ba kal•susaanio teng•ani gadangko sokna gita Stadium-ni Floodlight-rangkoba gital tekan baksana robol kal•giparangna bara gansrechakram biaprang aro Official-rangni nokdringrangkoba International-ni gadango gita taridapanikoba dakangaha.
Ia kal•susaani matchota jamanba Stadium-ko taridapanirangko dakangkugen, jeon bimang ong•atgiminko matchotatan baksana synthetic Athletic track-ko on•anikoba a•bachengatgen, jekon ta•raken matchotaigen ineba ka•dongsoenga.
Na·simang ia video-koba nina man·gen:
Na·simang iakoba poraina man·gen: Kuki-Zomi-Hmar-ni sak 10 MLA-rang AR-ni palo CRPF dolrangko donatskajachina PM-ko mol•mola.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
For news & updates, Download Hub News App from Google playstore
Images are for reference only.Images and contents gathered automatic from google or 3rd party sources.All rights on the images and contents are with their legal original owners.
Comments are closed, but trackbacks and pingbacks are open.