Guwahati, July 24: Meghalaya a•dokni ning•o donggipa Garo Hills-ni Wari Chora-ni a•kuangoniko botanical-ni gita aiao inmanpilgipako sandie man•aha. 2023 bilsio, jinma songreani somoio, Nagaon, Kaliabor College-ni Dipankar Borah, Peliosanthes-ni rokkom dakanggipa u•ina man•gijagipa pul pangsao ja•gitotaha, jekon bang•an nitobee bibal balani gimin balgito ine chanchisretako man•rongachim.
Advertisement
“Ia bipangko nikchengon anga maiba aiao inmanpilgipakon chagrongaha ine u•iaha,” inenba Borah aganangaaha. A•bachengode ia bibal balna man•chokmiting ong•eming ua adita jajaengon, jamano ua u•ina man•gijagipa pulni rokkomko man•aha ine u•ina gita man•aha. Ia bang•e dal•mangijagipa aro nikari u•ina man•gijagipa pul, parakna man•gijagipa gun gnang jean a•gilsak gimikni botanist ba sam bolrangni gimin u•ie ma•sigiparangko ru•utgijan muni nangatgen.
Photo Credit : Dipankar Borah
Uni Wari Chora re•angani salo, Borah nikronggija nikanirangko nikna gita chol ong•aha. Gari-gora re•na man•gijagipa aro ga•nanggija ong•ona nanggipa ramarangko re•angenba bonkamao ua namen chubegipa dare baksana tangsimgipa aro ka•singipa chiona sokeaha. Indake uni re•bapilmiting somoiosa ua chonchongipa Peliosanthes-ni rokkomko nikna gita man•aha.
Advertisement
Uni ripeng Vikas Barman, jean ia pulni pangko simsak nirokna dakchakaha aro 2024 bilsini February jao ia bibal balahaon, ian gitalgipa pulni rokkom ong•a ine u•ina gita man•aha. Meghalaya a•dokoniko ia pulko man•ahani gimin ia pulna “Peliosanthes Meghalayensis” ine bimungko on•aha.
Japan-ni Dr. Noriyuki Tanaka-ni dakchakpaanichi, Borah ia pulni u•isokgijani ba ning•tuaniko ma•sina gita man•aha. “Dr. Tanaka-ni Peliosanthes-ni rokkomko u•iani bilara u•isokna ampilgijani ong•a,” inenba Borah aganangan baksana, ia indakgipa dingtangmanchagipa pulrangko u•ina aro maikai jachipchangko ra•na nanga iani bidingo skie on•anina rasong on•eba aganangaha.
Advertisement
Peliosanthes Meghalayensis, ian bang•e dal•gijagipa aro bijak chonchongipa ong•a jean Wari Chora-ona dakonanggipa dareoniko nikna gita man•gen. Ia biapo, bilsi gimik bijak ruronggijagipa bolrangan gapaiachim, jeni a•selan ia indakgipa sambolrangko chaatna gita namgipa biapba ong•achim. Indake ong•engon, ia biapko tourist spot ba songregiparangna biap tarina gita miksongengon, ia salbolrang gimaangnaba donga ine chanchina nangao ga•akenga.
Na·simang ia video-koba nina man·gen:
Na·simang iakoba poraina man·gen: West Bengal-o Durga Puja ong•atgipa gittimprakna tangka gong 85,000-ko on•anggen : West Bengal CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
For news & updates, Download Hub News App from Google playstore
Images are for reference only.Images and contents gathered automatic from google or 3rd party sources.All rights on the images and contents are with their legal original owners.
Comments are closed, but trackbacks and pingbacks are open.