Gangtok, July 23: Indian parliament-o da•o ong•enggipa Budget Session-o, Finance Minister Nirmala Sitaraman, “banggija somoirangna skang Sikkim a•doko mikka jimbee waani a•sel chi ban re•ani aro a•a ruanichi a•dok gimik nangchakeako man•ahani gimin, chingni sorkari ia a•dokna dakchakaniko on•gen,” ine mongolbar salo aganangaha.
Advertisement
Sikkim a•dok, 2023 bilsini October 3 tariko, Tibet baksa sima ari man•gipa South Lhonak Lake-o tin•kagimin suri jrongani a•sel rang•san chi ban re•aniko nikna gita man•aha. Ia ong•a obostani jamansa, ia chi ban re•aniko GLOF ine mingna a•bachengaha, jeon sak 60-na batpile manderangni janggirang gimaahachim. Una agreba, Mangan a•jani Chungthang-o Teesta Stage 3 dam ba chi ban kagipako nosto ong•atan baksana Teesta chibima rikamni kamajolo donggipa dam 100-na batpile gamjinrangko nosto ong•ataha.
Indake ong•genchimoba, Gangtok a•jani kamajolo donggipa Teesta Stage 5 aro Teesta Stage 6 dam ba chi ban ka•gipani mittam bakrangba nosto ong•atako man•aha.
Advertisement
Re•anggipa June jani 24 tariko, Sikkim a•dokni Skotong Minister Prem Singh Goyal, New Delhi-ni Parliament House-o Prime Minister Narendra Modi-na, Post Disaster Need Assessment (PDNA) report-o, GLOF-ni a•sel nosto ong•ata man•giparangko taripiltaina aro nangchakeako man•giparangko nampilatna gita chu•gimik tangka gong 3673.25 crore-rangko nangnaba donga ine hisape on•aniko dakangaha.
Indian Parliament-ni Budget Session-o dongpaenggipa, Sikkim Lok Sabha-ni MP Indra Hang Subha, Sikkim a•dokna tangka paisani gita dakchakaniko on•a ku•chakanina Finance Minister Nirmala Sitaraman-ko demittelaniko dakangaha.
Advertisement
Budget session matchota jaman, Subha, “Da•alni Union Budget Session-o, Sikkim a•doko chi ban re•ani a•sel nosto ong•atako man•ani bidingo aro uarangko taripiltaiani ba rikpiltaiani bidingoba ia budget session-o janapenba, ma•mong sorkarini gita dakchakanikoba on•a ku•rachakaha, uni gimin anga Union Government ba nangrime rikgimin sorkariko aro Finance Minister-ko mitela,” inenba parakataha.
“Sikkim Krantikari Morcha sorkarini Union Government baksa ku•mong meli nangrimaniko rakkianichi Sikkim a•dok gamchate ra•ako man•aha. Uni gimin anga Sikkim a•dokni manderangni palo, Union Government aro Finance Minister Nirmala Sitaraman-ko mitela,” ine aganan baksana ua a•dokni manderangna chanchie ma•mong sorkari baksa apsan nangrime kamrangko ka•angani a•selsa ia chu•sokna gita man•aha inenba a•dokni Skotong Minister Prem Singh Goyal-koba mitela aganangkuaha.
Advertisement
Union Budget Session-ni bidingo aganengon, Subha, chadambe, me•chikrang, game ge•e cha•giparang aro kangal cholgrirangko mongsongbate mikkang nianiko dakengani gimin gisiko nangbate aganangaha. Chadamberangna changa sapaniko on•a baksana kamrangko nakatatan baksana poraiani aro kam man•ani gisepo bang•a somoi re•ataniko komiatanian mongsonggipa chanchibewalni ong•enga. Ia pilakan budget session-o dingtangmancha gamchatbegipa ong•enga, jean India-ko Viksit Bharat ong•atanio dakchakna ja•ku de•aniba ong•enga. 2047 bilsio India-ko Viksit Bharat-ko ong•atna chamgimin budget-oniko Sikkim a•dokni chadamberangba namgniko man•gen,” ineba ua agandapangkuaha.
Na·simang ia video-koba nina man·gen:
Na·simang iakoba poraina man·gen: Chi bananichi neng•nikanirangko chel•chakna ku•rachakahani gimin Finance Minister-ko Assam CM mittelpila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
For news & updates, Download Hub News App from Google playstore
Images are for reference only.Images and contents gathered automatic from google or 3rd party sources.All rights on the images and contents are with their legal original owners.
